<?xml version="1.0" encoding="UTF-8"?><song><title>Klaist in tʋshka sia hoh cho? ƲIT66</title>
<lyrics>[V1]
 Klaist in tʋshka sia hoh cho?
 Chihowa Ushi ya̱
 Iakaiya sia hoh cho?
 Immi sia hoh cho?

[V2]
 Mih siakmʋt, nantihmi ho̱
 Ilapo hohchifo,
 Im anumpa aiena ka
 Isht sa hofahya wa.

[V3]
 Isht sa hofahya he keyu;
 Im anumpa hoka
 Chitolit isht anumpuli
 Ik sa nukshoposhke.

[V4]
 Inla yʋt na̱ palʋmmi ho̱
 Pihi̱sʋt ʋba ya̱
 Oho̱na ka, lummʋt ma̱yʋt
 Ona la hinla cho

[V5]
 Aholitopa hoyo hosh,
 Itibi kʋt issish
 Oka chito chohmi kia
 Oka noho̱wa tok.

[V6]
 An tʋnʋp ʋto lauʋshke,
 Iksho ka he keyu;
 Yakni ʋt an tʋnʋp oke;
 Palʋmmi fehnʋshke.

[V7]
 A̱ kana ai a̱hli yʋto
 Klaist pulla kak oke;
 Yʋmma pulla ho̱ i̱ yimmit
 Hoho̱yo la chi̱shke.</lyrics>
<time_sig>C.M. (8.6.8.6.)</time_sig>
<hymn_number>66</hymn_number>
<aka>The Christian Soldier</aka>
</song>